ԱնհատներինԲիզնեսին
Մուտք
Նորություններ

«Հերացի» ավագ դպրոցի աշակերտները հյուրընկալվել էին ՀԱՅԲԻԶՆԵՍԲԱՆԿՈՒՄ

14.11.2022

ՀԱՅԲԻԶՆԵՍԲԱՆԿՆ իր Գլխամասային գրասենյակում հյուրընկալել էր Երևանի պետական բժշկական համալսարանի «Հերացի» ավագ դպրոցի տնտեսագիտական ենթահոսքի 10-րդ դասարանի աշակերտներին: Ճանաչողական շրջայցի ընթացքում աշակերտները ծանոթացան Երևանի անկրկնելի դիմագիծը ներկայացնող Բանկի Գլխամասային շենքերի պատմությանը: Այս արժեքավոր ճարտարապետական հուշարձանների կողքով անտարբեր չեն անցնում երևանցիներն ու մայրաքաղաքի հյուրերը: Ներկայում Նալբանդյան 48 հասցեում գտնվող շենքում ժամանակին տեղակայվել է Արքունական պալատն ու նահանգական գանձատունը, հարակից շենքում՝ Առաջին հանրապետության Արվեստի և հանրային կրթության նախարարությունը: Պատմության հետաքրքիր մանրամասներ ներկայացրեց Բանկի Հաղորդակցությունների կառավարման վարչության Հասարակայնության հետ կապերի բաժնի պետ Հասմիկ Հովակիմյանը: Այնուհետև ֆինանսական գրագիտության վերաբերյալ հետաքրքիր, ինտերակտիվ դասի միջոցով, որը վարում էր նույն վարչության Գովազդի բաժնի պետ, տնտեսագիտության թեկնածու Արման Տոնիկյանը, աշակերտներն ստացան գիտելիքներ խնայելու ֆորմալ և ոչ ֆորմալ գործիքների մասին։ Իրենք էլ իրենց հերթին ուղղեցին բազմաթիվ հարցեր դրամի ստեղծման պատմության, ժամանակի ընթացքում փողի արժեքի փոփոխության և վաղվա ֆինանսական մուտքերն ապահովող ներդրումների վերաբերյալ։ ՀԱՅԲԻԶՆԵՍԲԱՆԿԸ մշտապես պատրաստակամ է իր ավանդն ունենալ ոչ միայն կրթության որակը բարելավող, այլև մշակութային արժեքները սերնդեսերունդ փոխանցող նախաձեռնություններում:

ԱՄԻՕ ԲԱՆԿԸ վերահսկվում է ՀՀ Կենտրոնական բանկի կողմից

Թարմացված է` 20.02.2024 10:17

+374 10 59 20 20

Գլխամասային գրասենյակ` ՀՀ, 0010, ք. Երևան, Նալբանդյան 48

Բջջային հավելված

Լեզուների միջև տեղեկատվության անհամապատասխանության դեպքում նախապատվությունը տրվում է հայերեն տարբերակին:
«ԱՄԻՕ ԲԱՆԿ» ՓԲԸ-ն պատասխանատվություն չի կրում իր ինտերնետային կայքում հղված այլ անձանց ինտերնետային կայքերի բովանդակության ստույգության և արժանահավատության, այնտեղ տեղադրված գովազդների, ինչպես նաև երրորդ անձանց կողմից այդ կայքերում տեղադրված տեղեկատվության օգտագործման հնարավոր հետևանքների համար:
«ԱՄԻՕ ԲԱՆԿ» ՓԲԸ-ն պատասխանատվություն չի կրում նաև այլ անձանց ինտերնետային կայքերում հղված իր և իր կողմից մատուցվող ծառայությունների պայմանների ու սակագների մասին տեղեկատվության բովանդակության ստույգության և արժանահավատության համար:

© 2024 «ԱՄԻՕ ԲԱՆԿ» ՓԲԸ
ՀՀ Կենտրոնական բանկի թիվ 40 լիցենզիա՝ տրված 10.12.1991թ.
ԱՄԻՕ ԲԱՆԿԸ ՀԱՅԲԻԶՆԵՍԲԱՆԿԻ լիիրավ իրավահաջորդն է

fin infofsmadgffsmarca

Բանկը վերահսկվում է ՀՀ Կենտրոնական բանկի կողմից